السلام عليكم ورحمه الله وبركاته
صباحكم / مسائكم ورد جوري
جبت لكم سالفه محشش يبي يسرق سيارهـ ابوهـ بس وش صار معه اخليكم مع القصه هع
الاب : وش فيك منبطح على الارض كانك مضيع ضربه جزاء
المحشش : ابد سلامتك بس ابي اعرف كم طول هذي السجادهـ
الاب : والله ماشفت اكذب منك
المحشش : تربيتك
الاب :يامال الوجع وش تقصد ؟
المحشش : يامال الوجع ولا يافلوس مايهمني وين العشاء ورى ماشوف معك شي
الاب : المطاعم كلها مسكرهـ
المحشش : والله ماشفت اكذب منك
الاب : وجع انا ابوك
المحشش :بوك ولاكرافت مايهمني اهم شي ليش ماجبت معك عشاء ؟
الاب : مامعي فلوس
المحشش : ياكثرها تقول مامعي كب الكذب وعطني خلني اروح اجيب عشاء
الاب: ياقليل الادب كيف تكلمني بهذي الطريقه
المحشش: ادب ولاجغرافياء مايهمني اهم شي عطني فلوس خلني اروح اشتري
الاب:ياخي انا مابغى عشاء
المحشش: ماتبغى عشاء ماتبغى غداء هذا شي راجعلك بكيفك انا ابغى اتعشي بسرعه يلا عطني
الاب: ماني معطيك والي تبي تسويه سويه
المحشش ماودهـ يخربها اكثر من كذا عشان يعطيه مفاتيح السيارهـ
المحشش : خلاص مانبي منك شي انا معي فلوس عطيني مفاتيح السيارهـ
الاب : قص رجلي اذا عطيتك تذكر اخر مرهـ عطيتك مفاتيح السيارهـ وش سويت ؟
المحشش: اي اذكر بس والله ماكان قصدي
الاب : تخسي كيف ماكان قصدك تصدم العجوز ضعيفه ؟
المحشش :انا صدمتها احسبها كيس زباله
الاب : كذاب طيب وش ذنب الورع الي جنبها ؟
المحشش : احسبه قطو جنب الزباله الا وش دخل السالفه هذي انا بروح للمطعم الي جنبنا
الاب : مافي يعني مافي وقفل الموضوع وشغل التلفزيون خلنا نشوف الاخبار
شغل المحشش التلفزيون
المحشش : طيب متى بتنام
الاب : حلوهـ ليه تبغى ترضعني ؟
المحشش : اصلا الحليب خلص
الاب: تستهبل انت ؟
المحشش :لاوالله بس عشان بكرهـ عندك دوام والساعه 11:30
الاب :وش دخلك الي بيداوم انا ولا انت الشرهه على الي قاعد عندك
المحشش : يعني بتروح تنام ؟
الاب : اجل تبغاني اقابل وجهك ؟
دخل الاب غرفته
المحشش:كيف اجيب مفاتيح السيارهـ من جيب ابوي ؟
وانتظر المحشش خمس دقاق
المحشش: يمكن يكون نام
راح المحشش وفتح باب غرفت ابوهـ ولقاها مظلمه
الاب : مين هذا
المحشش: وهو يسوي نفسه يبكي > انا ولدك يايبه
الاب :اهب وش جابك
المحشش :خايف انام لحالي
الاب : طيب وش تبغى
المحشش : واحد جايك خايف ينام لحاله وش يبي يعني يبي يسر مفاتيح سيارتك مثلا ؟ اكيد جاي يبغي ينام عندك
الاب :طيب خلاص انثبر
المحشش مسوي نفسه نايم وقاعد يشخر وبعد حوالي 10 دقايق قام يدور ثوب ابوهـ في الدولاب ولمن لقى الثوب دخل يدهـ في الجيب طلع المفاتيح بكل هدوء ومن غير مايقصد دعس على رج ابوهـ
الاب : وجع وش تسوي عندك ؟
المحشش لابس كنت بروح الحمام (وانتم بكرامه)
الاب اذلف عساك تتدخل يدك في البيارهـ عابالك الغساله
المحشش : ليش شايفني غبي مثلك الناس تاخذ سيارتك وانت ماتدري
الاب : وش قصدك ؟
المحشش :لاماقصد شي بس انا انعس وبروح الحمام وبرجع
الاب :انتبه لاترقد في الحمام
المحشش: لاماني راقد بروح السيارهـ
الاب : سيارهـ ؟ سيارهـ ايش ؟
المحشش : سيارهـ من قال سيارهـ اقصد الحمام (وانتم بكرامه )
الاب : والله مدري عنك بس بسرعه
طلع المحشش من الغرفه وهو بيتقق من الفرح وعلى طول فتح الباب ونزل الشارع وفتح سيارهـ ابوهـ شغل الموتر وعشقها في الخامس وهو يمشي بشويش عشان مايسمع ابوهـ صوتها لمن وصل اخر الحارهـ وحطها في الثاني وردهـا لثالث وعطاها الخامس وجالس يفرفر في الشوارع مشي 140 كم في الساعه وهو ماشي الا اشارهـ قدامه ويحاول يسرعه عشان يلحقها لحق عليها بس صارت الاشارهـ برتاقلي وسرع اكثر وصارت الاشارهـ حمراء وقطعها الى الشرطه تطاردهـ وقف ياراعي (يالكامري )قال عند باب بيتنا اوقف الشرطه ورطه وجالس يدخل في الحواري يبي يضيعهم الى صدم في جدار مدرسه جاهـ الشرطي وقال مسوي فيها ذيب انت ووجهك
المحشش : ذيب ولاقناص مايهمني اهم شي ليش تطاردني ؟
الشرطي : ليش تقطع الاشارهـ
المحشش: اشارهـ ابوك هي ؟
الشرطي : تستهبل انت
المحشش : لاادرس رابع ابتدائي
الشرطي : شكلك سكران
المحشش : سكران ولا محشش وش دخلك ؟
الشرطي : طيب انا اسف بس عطني الرخصه والاستمارهـ
المحشش: مامعي
الشرطي : ليش وين استتمارهـ السيارهـ والرخصه
المحشش :خليتهافي البيت عشان ماتنسرق من السيارهـ
الشرطي : شكلك بتاخذها مؤبد لارخصه ولااستمارهـ وصادم جدار مدرسه بعد ؟
المحشش : سامحني يارجال ولا توصل الامور لهذي
الشرطي : مجنون انا اسامحك انا لازم اسلمك لشرطه عشان اخذ اجازه اسبوع
المحشش : بس موعلى حسابي تاخذ اجازهـ
الشرطي : اركب بطيب لااركبك غصب
المحشش: عطر ولاطيب مايهمني اهم شي تخليني اروح البيت
كان الشرطي حاب يخوفه بس وناوي يرجعه البيت
الشرطي : خلي عنط حركات نص كم وعطني يدك
المحشش : ليه تبي تبوسها ؟
الشرطي : تخسى عطني خلني اكلبشها بسرعه
ركب المحشش سيارهـ الشرطه
الشرطي : ياورع وش اسمك
المحشش: اول شي ورع في بطنك وانا ابوهـ ثاني شي وش دخل امك في اسمي ؟
الشرطي : احسن كنت بجيبلك محامي
المحشش : انت الي محتاج الي محامي
الشرطي : وش قصدك ؟
المحشش : ابوي رئيس الشرطه كلها
الشرطي عارف انه كذاب
الشرطي : طيب وين بيتكم
المحشش : وش دخلك في بيتنا
الشرطي : حاب اعتذر من ابوك
المحشش فرح وقاله عنوان البيت
ولمن وصل قال الشرطي لـ ابو المحشش ولدهـ وش سوا وعطاهـ ابوهـ هذاك الكف وقام المحشش من النوم وطلعت السالفه كلها حلم هع هع
عاد لاتنسون الردود تكسرت يدي وانا اكتب
لكم ودي
ابي ردووود
